السلام عليكم ورحمه الله
صفحات بيضاء أسطر فيها روائع فائق عبدالجليل
● ● ●
آخر زيارة
آخر زيارة ..
حسيت في آخر زيارة ..
شيء بعيونك مختلف
و شيء بحديثك مختلف
حتى سكوتك مختلف
وصرت بشكوك ..
شفت الحقيقة في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام .. ؟!
كبير الفرق .. ما بين أول لقاء و آخر زيارة .. ؟!
و محتار شقول ..
ياحب خانتني العبارة .. و الحر تكفيه الإشارة
كل شي حبيته في بيتك نساني ..
الهدوء .. الليل .. صمت الأغاني
حتى لون الورد و الوجد و مكاني
داهمتني الغربة .. ليتني ماجيت
ليتني رديت ..
لساني ضيّع غربتي ..
وين الكلام .. وين الحرارة في السلام .. ؟!
كبير الفرق .. ما بين أول لقاء و آخر زيارة .. ؟!
و محتار شقول ..
ياحب خانتني العبارة .. و الحر تكفيه الإشارة
● ● ●
انا مجروح .. عطني جرح
يجوز الجرح اذا داهم احد يشفي
اجمع لي العطش صخره على لساني
اجمع صمت كل حاجه
وانثر صمت كل حاجه
انا لجمعت صوتي اللي سكت حروفي
يعيش الصمت
وانا الصامت الاول
وانا الصامت الثاني . وانا صامت ويكفي
اشيل البحر في صدري
واشيل الارض في كفي
تعال ياصمت ابي كتفك على كتفي
تمر الكلمه صوبي
اغض طرفي
واشوف الصمت ... بس الصمت في صفي
قتلتني حالة اللاحال
انا موجود او منفي
● ● ●
قبل الوعد جيت بدقايق..
وبعد الوعد جَات بدقايق ..
وإلتقينا .. بلهفة العاشق لعاشق.. إلتقينا
وهمست .. لعيون بتشاور علينا .. إلتقينا
شاغلتنا .. لاحقتنا
أحرجتنا واحنا تونا ماحكينا
جيت أقول وأبعد الخوف بكلامي
جيت أطمنها وأحسسها بغرامي
قاطعتني .. وهمست همس النسيم
أرجوك إبعد إبعد .. ترى في الجو غيم
راحت مشت .. وعيوني تِتبعها
راحت مشت .. مجبور أودّعها
يرضِيك ياشوق .. كِذا العيون تِمنعها
يرضيك بالبوق .. تطالعني وأطالعها
آه يا أجمل وعد .. صابتك عين الحسد
والله لولا عيون الناس .. والله لولا كلام الناس
والله لولا الحيا .. وأخشى وأخاف الملام
لأَمشي وراها وأتبعها .. وأزرع في قلبي إبتسامة
آه يا أجمل وعد .. صابتك عين الحسد
● ● ●
عطشان اسمع يا نهر
عمر الصحاري والجفاء
عمري انا ما مر على عمري مطر
عطشان
لدموع الشتاء
مشتاق
للون الخضر
صبري عزف . . صبري نزف
انا النخيل وانا ارتجافات السعف
ناديتك بصوت العطش
شلال صوتي يا الي ما تسمع نشف
شوقي لّوح لك وقف
ترابي لّوح لك وقف
منين ارتوي . . . والدنيا صحرا ء وبس
النار تحتي . . وفوقي عين الشمس
الشتا . . بالصيف اختفى
والغيم ما عنده وفاء
وانا العطش بيتي
ونسيمي عاصفة
● ● ●
يوم أقلبت ..
صوَّت لها جرحي القديم
يوم أقبلت ..
طرنا لها أنا وشوقي والنسيم
وعيونها ..
عين لمحتني وشهقت
وعين حضنت عيني وبكت
ويافرحتي ..
الحظ الليلة كريم..
محبوبتي .. معزومة من ضمن المعازيم..
في زحمة الناس صعبة حالتي
فجأة إختلف لوني وضاعت خطوتي
مثلي وقفت تلمس جروحي وحيرتي
بعيده وقفت وأنا بعيد بلهفتي
ماأحد عرف اللي حصل
وما أحد لمس مثلي الأمل
كل إبتسامة مهاجرة جات ..
رِجعت لشفتي
وكل الدروب الضايعة مني ..
تنادي خطوتي
ويارحلة الغربة .. وداعاً رحلتي
ياعيون الكون غُضَّي بالنظر
واتركينا اثنين عين تحكي لعين
إتركينا الشوق ماخلَّى حذر
بلا خوف بنلتقي .. وبلا حيرة بنلتقي
بألتقي بعيونها وعيونها أحلى وطن ..
وكل الأمان ..
● ● ●
أراعيك
أنت الروح يا روحي على روحي أبديك
حبيبي ضعت أنا بــس فـين أراضـــيـك
صبرت الغـــضــــب حاولــت أراضيـك
سـو كل اللي يـرضيـك
حياتـي ودنيتـي فيـك
تكون الحزن .. أناديك
تكون اليأس .. أناديك
ومهما تكون لا يمكن أخليك
حبيبي أنـــت يا نفسي
يا لوني ويا صدى حــسـي
يا إحساسي في أمــــــــســي
يا كلمة أمل تنقذني من يأسي
يا كل الشوق
يا أحلى الــمر
أبي من وقتك الضايع
دقيقة ثانية وقفة
حنيت لك تــكــفى
ولون الفرحة يعرفني ولا أعرفه
حنيت لك تــكــفى
الجرح أنــا وأنـــت لي وصــفه
تعال اسألني وش فيك
تعال أقرأ بعيوني كل معانيك
تكون الحزن أناديك
تكون اليأس أناديك
ومهما تكون لايمكن أخليــــــك
● ● ●
كانت هذه وقفتي مع الشاعر الذي تميز بالبساطه في المفرده والعمق بالمعنىرحمك الله ابا فارسمـنـقـول
موضوع: {.. تعال ياصمت ابي كتفك على كتفي 
الجمعة أبريل 04, 2008 11:58 am
